Kosningarnar í Norðurþingi munu snúast um fjölskyldur, viðhaldsleysi húsa, fjár- og atvinnumál.

Rekstarstöðvun PCC Bakka hefur þau árhrif að sveitarfélagið verður af um 50 milljónum króna á mánuði í beinum tekjum. Þá er ótaldur tekjumissir vegna afleiddra starfa þar sem verktakar og fyrirtæki í bænum hafa þurft að draga úr starfsemi og fækka starfsfólki. 

Þetta hefur nú þegar haft þau áhrif að sveitarfélagið hefur þurft að draga úr umsvifum.  Niðurskurður í tónlistarskólanum, stytting á opnunartíma sundlaugarinnar, frestun á uppbyggingu í íþróttarhöllinni og uppgerð á sundlauginni í Lundi. Þetta eru aðgerðir sem hafa bein áhrif á nám, tómstundir og félagslíf ungs fólks.

Ekkert hefur verið gert í viðhaldi stjórnsýsluhúss á Húsavík í 3 ár, en leigt húsnæði fyrir 30 milljónir á ári. Við greiðum því af tveim húsum.

Þess vegna er mikilvægt að snúa þessari þróun hratt við svo okkar frábæra sveitarfélag geti haldið áfram að blómstra.

Það þarf að bæta aðstöðu ungs fólks til fjölbreytts félagslífs, tómstundastarfs og íþróttaiðkunar.  En við „risaeðlurnar” getum kanski ekki komið og sagt þið eigið að gera svona eða hinsegin. Þau köll verða að koma frá ykkur. Þið verðið að segja hvað ykkur finnst vanta, hvað hentar ykkur, hvað megi gera betur.

Ef að foreldrar okkar hefðu ætlað að segja okkur hvernig við ættum að leika okkur þá hefðum við leikið okkur með legg og skel ennþá... googlið nú hvað það þýðir 😊

Staðan er sú að of fáir einstaklingar skila sér í framhaldsskólann hér Á Húsavík eftir 10. bekk. Það þarf að tala upp Framhaldsskólann á Húsavík, standa vörð um hann og kosta öllu til að ungt fólk, ekki bara úr Norðurþingi heldur víða annarstaðar af landi vilji stunda nám hér á Húsavík. Fleiri nemendur – meira félags og tómstundalíf – betra líf.

Margir hafa metnað til að mennta sig og ungt fólk á að elta sína drauma. 

En þegar námi er lokið og ungt fólk vill koma sér fyrir og stofna fjölskyldu á Norðurþing að vera ákjósanlegur staður þegar fólk er að máta sig við hvar það vill búa.

Enda er Norðurþing einstakt sveitarfélag með allt til alls.

Þá þurfa grunnstoðirnar að vera sterkar með öflugu íþrótta og félagslífi. Sterkum menntastofnunum og fjölbreyttu atvinnulífi þar sem allir geta fundið eitthvað við hæfi

Við ætlum og munum styðja við unga fólkið okkar.

Kosningar snúast um að móta framtíðina, unga fólkið er framtíðin og er okkar afstaða sú að kosningaaldur ætti að vera lækkaður. Niður í 16-17 ár.

Lýðræðisleg umræða og þátttaka ykkar er eitt það mikilvægasta sem við viljum.

Við viljum að ungt fólk eigi möguleika á fjölbreyttu íþrótta og tómstundastarfi. Við viljum hlusta á unga fólkið, skapa því vettvang til að hafa áhrif og styðja það. Framhaldsskólinn og stjórn nemendafélagsins eru aðilar sem  við viljum vinna með að nýjum hugmyndum.

Við viljum nýta möguleika í nýju tómstundahúsi fyrir aldurshópinn 15-25. Meta þarfir hópsins og styðja hann í fjölbreyttu tómstundarstarfi.   

Framhaldsskólar á svæðinu eru reknir af Ríkinu og stýrt af skólastjórum, stjórn skólanna og öðrum stjórnendum. Hugmyndir af heimavist hefur skotið upp kollinum annars lagið á Húsavík og myndum við vilja leggja þeim hugmyndum lið. Hugsa mætti t.d. að Tún eða annað húsnæði yrði þróað og nýtt sem heimavist að hluta eða öllu leiti. 

Sjálfbær nýting náttúru er mikilvægt mál, við viljum að skila landinu, vatninu og loftinu í  jafn góðu eða betra ástandi til komandi kynslóða. 

Við styðjum orkuskipti í samgöngum, styrkja þarf aðgengi að hleðslustöðuvum, sérstaklega utan Reykjavíkur.

Við viljum ráðgjöf, stuðning og hagstæða hvata til að gera vel. Ekki refsingar og meiri skatta. 

Við erum á móti núverandi kerfi skattlagningar á bila. Kílómetragjaldið kemur verr niður á ungu fólki, sem á almennt minni og eyðslugrennri bíla. 

Við þurfum að halda áfram að hvetja einstaklinga, stofnanir og fyrirtæki til að huga að nánasta umhverfi. Þar getum við öll gert aðeins betur. Við viljum ekki bílhræ um allan bæ. 

Við viljum alls ekki frekara niðurbrot á grónu landi í Norðurþingi (Saltvík), án frekari rannsókna, samræðna og stefnu í því efni. 

Við styðjum alla einstaklinga og hópa sem vilja búa og læra í Norðurþingi. Á vettvangi skólans fá nemendur að erlendu bergi stuðning og fræðslu. Einnig veitir Framsýn stéttarfélag og Þekkingarnet Þingeyinga mikilvægan stuðning og ráðgjöf. 

Við styðjum og virðum mismundi menningarlegan bakgrunn og einstaklinga með allar tegundir af kynhneigð og kynvitund. Við stöndum vörð um mannréttindi hjá þessum hópum eins og öðrum.

Samningur sameinuðu þjóðanna um réttindi fatlaðs fólks var samþykktur árið 2006 og fullgiltur á Íslandi árið 2016. Hann var síðan lögfestur sem lög á Íslandi árið 2025. Hann er mikil réttarbót og mun styðja rétt fatlaða meiri þátttöku  í samfélaginu.

Við vitum af okkar eigin reynslu sem sjúkraflutningamenn að allt of mörgu ungu fólki líður illa, sem er sorglegt, því unglingsárin eiga að vera bestu ár lífs okkar – fulla af tilhlökkun, fjöri og þátttöku.
Það er staðreynd að greining, meðferð og stuðningur þeirra ungmenna sem eiga við geðheilbrigðisvanda (t.d. kvíða, depurð, þunglyndi) að stríða gengur allt of hægt. Við viljum efla forvarnir, hvetja ungt fólk að opna sig og tala um vandann,  stuðla að styttri biðtimum hjá sálfræðingum, geðlæknum og meðferðarstofnunum. Við sjáum fyrir okkur að heilbrigðis- og félagsþjónustan sé nálægari og opnari til stuðning.

Við viljum að það sé auðvelt og aðgengilegt að nýta samgöngur, hvort sem þú kýst að keyra, hjóla, ganga eða stætó. Þær mega ekki vera og dýrar og ekki tafsamar. 

Vegakerfið og götur hafa verið vanræktar í viðhaldi og uppbyggingu, við þurfum betri vegi og götur.

Sjálfvirkni mun aukast og stytta þarf ferðatíma með nýjum styttri leiðum þar sem hægt er, t.d. á leiðinni til Akureyrar og Reykjavíkur.  

Flugsamgöngur á milli landshluta þurfa að vera ódýrari – sér í lagi fyrir ungt fólk sem þarf reglulega að komast landshluta á milli vegna náms, læknis- og sérfræðiheimsókna og þeirra sem eiga foreldra í sitt hvorum landshlutanum.