Nærsamfélagið og lífsgæði, styrkja stoðir þess sem við þurfum í daglegu lífi, málefni starfsumhverfis leikskóla, íþróttamál, forgagnsröðun í nýbyggingu húsnæða sveitarfélagsins.

Styðja sem mest við þarfir ungs fólks, tryggja nægar lausar lóðir til húsbygginga með tilliti til smærri og millistórra húsnæða, styðja við íþróttamál barna, halda áfram þeirri stefnu að taka inn börn á leikskóla við 12 mánaða aldur, styðja við atvinnulífið og vinna að framþróun þess.

Við erum opin fyrir umræðu um lækkun í 16 ár en leggjum þá áhersla á að tryggja fræðslu og þátttöku ungs fólks áður en breytingar eru gerðar

Áhersla er lögð á að efla íþrótta- og tómstundastarf með því að hækka frístundastyrk um 10.000 kr. á kjörtímabilinu í tveimur áföngum. Festa á í sessi starf framkvæmdastjóra Hattar og endurskoða samninga um íþróttamál til að tryggja að fjármagn nýtist sem best fyrir börn, bæði í þéttbýli og dreifbýli. Einnig verður unnið að betri samþættingu íþrótta og skólastarfs og að áframhaldandi þróun verkefnisins „Allir með“. Sérstök áhersla verður á að styrkja íþróttastarf á Seyðisfirði og Djúpavogi, meðal annars með sambærilegum verkefnum. Þá verður unnið með Neista að uppbyggingu búningsaðstöðu á Djúpavogsvelli og skoðuð framtíðarstaðsetning Golfklúbbs Fljótsdalshéraðs. Við viljum flýta framkvæmdum við íþróttamannvirki á Egilsstöðum.

Það mun td. nýtast ME vel öll uppbyggin og viðbætur á íþróttamannvirkjum sem sveitarfélagið ræðst í. Annars höfum við stutt ME heilshugar og munum gera það áfram enda er ME mikilvæg stofnun sem hefur staðið sig gríðarlega vel og við erum öll mjög stolt af.

Framsókn leggur áherslu á sjálfbæra nýtingu náttúruauðlinda og ábyrga umgengni við umhverfið. Flokkurinn vill efla orkuskipti og auka notkun endurnýjanlegrar orku til að draga úr losun. Mikilvægt er að halda jafnvægi milli verndar og atvinnuuppbyggingar. Þá er lögð áhersla á hringrásarhagkerfi, minni sóun og bætta úrgangsstjórnun. Einnig vill Framsókn styðja við nýsköpun í umhverfismálum og tryggja að sveitarfélög hafi getu til að innleiða loftslagsaðgerðir til framtíðar.

Við leggjum áherslu á samfélag þar sem öll hafa jöfn tækifæri og njóta virðingar. Við viljum efla inngildingu með því að halda áfram að hafa gott aðgengi að þjónustu, menntun og þátttöku í samfélaginu fyrir alla hópa.

Sveitarfélög gegna lykilhlutverki í innleiðingu Samningur Sameinuðu þjóðanna um réttindi fatlaðs fólks þar sem stór hluti þjónustu við fatlað fólk er á okkar ábyrgð. Við munum halda áfram að styðja við sjálfstætt líf og þátttöku. Mikilvægt er að styrkja starfshóp um málefni fatlaðs fólks en sá starfshópur er okkur innan handar er varðar að hafa samráð við fatlað fólk við ákvarðanatöku og mótun stefnu sveitarfélagsins.

Þegar við horfum til þess hvaða hlutverk sveitarfélög hafa þá er mikilvægt að huga að umgjörð með því móti að öllum líði sem best í okkar samfélagi frá vöggu til grafar. Tryggja að börnum, fullorðnum og eldra fólki líði vel í leik og starfi. Við mun svo áfram þrýsta á það að hér sé geðheilbrigðisþjónusta í takt við þarfir, en hér þarf að bæta í og er það ekki síst skortur á menntuðu fólki sem er vandamálið.

Við stefnum að því að berast með öllu afli fyrir okkar mikilvægu samgöngubótum eins og við höfum gert hingað til. Samgöngur um Öxi og Fjarðarheiðargöng eru forsenda þessarar sameiningar og mikilvægt að ríkið standi við gefin loforð og ekki síður barátta um aukna vetrarþjónustu. Ljóst er að sveitavegir er margi hér og illa farnir og því væri ráð fyrir ríkið að ráðast í verulegar umbætur sem við munum þrýsta á!