Kosningarnar munu snúast um íþróttir, menningu og samgöngur.

Við þurfum að fjölga atvinnutækifærum í sveitarfélaginu, auka við uppbyggingu á húsnæði fyrir fyrstu kaupendur og að það séu spennandi viðburðir fyrir ungt fólk yfir allt árið.

Við viljum að rödd unga fólksins heyrist og að þau séu best undirbúin þegar þau kosningaaldri. Við höfum verið að virkja lýðræðistengd verkefni fyrir börn og ungmenni í sveitarfélaginu og viljum gera áfram.

Við viljum klára uppbyggingu á Varmársvæðinu, tryggja jafnan aðgang að íþróttastarfi- og tómstundastarfi, styrkja samráð og samstarf við íþrótta- og tómstundaélögin. Lengja opnunartíma í Lágafellslaug og halda áfram að styrkja 16 ára+ starfið í Bólinu.

Við viljum sjá FMos áfram blómstra í góðri samvinnu við sveitarfélagið td í gegnum ungmennaráð og íþrótta- og tómstundafélögin.

Hafa bæinn okkar snyrtilegan með því að leggja áherslu á grenndarstöðvar og umhverfisfræðslu.

Það er pláss fyrir alla í samfélaginu sem við búum í.

Við munum halda áfram að byggja upp þjónustu sem styður við sjálfstæði, öryggi og þátttöku fatlaðs fólks í samfélaginu.

Það er mikilvægt að huga að forvarnarstarfi í geðheilbrigðismálum, við leggjum mikla áherslu á lýðheilsu og í Mosfellsbæ hafa börn og ungmenni ýmis úrræði á borð við Bergið headspace. Þetta er mikilvægur málaflokkur sem nauðsynlegt er að hlúa vel að.

Við styðjum fjölbreytta ferðamáta á borð við Hopp og teljum að verkefnið Betri samgöngur sé best til þess fallið að stuðla að bættum samgöngum á höfuðborgarsvæðinu.