Bæjarstjórnarkosningar á Akureyri 2026 munu snúast um framtíðina. Akureyri þarf að fara ákveða hvað hún ætlar að verða þegar hún verður stór. Og ekki stór í skilningi þess að hér eigi að rísa stórborg, heldur hvernig bærinn ætlar að vaxa og dafna inn í framtíðina. Hvernig við tryggjum að ungt fólk vilji búa hérna áfram eftir að námi lýkur. Þar leika atvinnumálin risastórt hlutverk og eitt helsta stefnumál Samfylkingarinnar á Akureyri er að móta sérstakt atvinnu- og vaxtaplan fyrir bæinn. Þannig tökum við stjórn á hvert við stefnum og byggjum skemmtilegan bæ fyrir öll!

Við viljum byggja skemmtilegan bæ þar sem allir geta fundið vinnu eða annað lífsviðurværi við hæfi. Það gerist ekki nema að við tökum ákvörðun um hvernig bærinn eigi að þróast til framtíðar: Við verðum að bæta aðstöður fyrir ungt fólk í bænum og efla samgöngukerfið fyrir þægilegri ferðamáta um bæinn og meira sjálfstæði einstaklingsins og þar erum við í Samfylkingunni á Akureyri svo sannarlega tilbúin til verka.

Samfylkingin á Akureyri er afar jákvæð fyrir lækkun kosningaaldurs, sérstaklega á sveitastjórnarstiginu. Í sveitarfélögunum ákveðum við hvernig nærumhverfið okkar er og virkar og þar eiga raddir ungs fólks, yngri en 18 ára, svo sannarlega fullt erindi.

Við viljum efla enn frekar styrki til barna og ungmenna til þátttöku í íþrótta- og tómstundastarfi. En við viljum jafnframt vinna að því með skýrum aðgerðum að ná hópum inn í skipulagt íþrótta- og tómstundastarf sem taka síður þátt í dag. Þar erum við að horfa til barna og ungmenna sem koma frá tekjulægri heimilum, barna og ungmenna af erlendum uppruna og síðasta en ekki síðast fatlaðra barna og ungmenna. Þess fyrir utan ætlum við að halda áfram því kröftuga uppbyggingarstarfi íþróttamannvirkja sem hefur staðið yfir á Akureyri.

Fyrst og fremst með því að tala máli þeirra gagnvart yfirvöldum í Reykjavík. Það er þrengt að starfsemi skólanna, of litlu fé veitt til þeirra, heimavist MA og VMA er yfir sig full og skerðir það að aðsókn í skólanna. Þegar kemur að iðnnámi, þar sem nemendur eru að hluta til komin á þrítugsaldur og/eða komin með börn og geta/vilja þá ekki búa á vistinni, verður eitthvað að gerast í uppbyggingu svo að frábæra námið sem hér er boðið upp á geti sinnt sínu. Samfylkingin á Akureyri mun ávallt standa með MA og VMA.

Stóra umhverfismálið okkar er að efla almenningssamgöngur á Akureyri. Við ætlum að gera strætó að raunverulegum valkosti fyrir unga sem aldna í að ferðast um bæinn með nýju leiðakerfi og tíðari ferðum strætisvagna.

Samfylkingin á Akureyri tilheyrir eins og Samfylkingin á Íslandi hreyfingu jafnaðarflokka á heimsvísu. Við lítum á inngildingu sem mikilvægt verkefni og ekki bara yfirlýsingu eða afstöðu. Við viljum tryggja jafnt aðgengi að þjónustu, upplýsingaflæði, styrkja stuðning við börn með mismunandi bakgrunn og hinseginn ungmenni í skólumm og vinna markvisst gegn fordómum og hatursorðræðu. Samfylkingin á Akureyri vill að sveitarfélagið verði fyrirmynd á landsvísu þegar kemur að jafnrétti og þjónustu við íbúa sveitarfélagsins.

Við munum innleiða samning SÞ um réttindi fatlaðs fólks af fullum krafti og tryggja að hann verði leiðarljós í stefnumótun og þjónustu bæjarins. Það felur í sér að efla aðgengi, jafna þátttöku og tryggja að réttindi fatlaðs fólks séu virt í daglegum rekstri, ákvarðanatöku og þróun samfélagsins. Við munum jafnframt fylgja eftir markvissum aðgerðum og reglulegu mati til að tryggja raunverulegan árangur.

Við ætlum okkur að grípa börn og ungmenni miklu fyrr. Þetta munum við gera með því að fjölga sérfræðingum (sálfræðingum, talmeinafræðingum o.s.frv.) inn í skólakerfinu og gera kennurum kleift að einbeita sér að kennslustarfinu.

Við höfum einsett okkur að gera strætó á Akureyri almennilegan og raunverulegan kost fyrir alla bæjarbúa, unga sem aldna, með nýju leiðakerfi og aukinni tíðni ferða. Þannig drögum við úr umferð og gerum þeim sem vilja frekar nota einkabílinn enn betur kleift að koma leiða sinna innan bæjarins. Við viljum einnig setja aukin kraft í umferðaröryggismál í bænum þannig að öll upplifi sig örugg í umferðinni, sama hvað samgöngumáta þau kjósa.